ዜናዎች

የአፍሪካ ከተሞች ፎረም በዛሬ ውሎ "የከንቲባዎች ሚና ለሌጋሲ ግቦች እና ለለውጥ አጀንዳዎች“ በሚል ርዕስ ከአህጉሪቱ ከተሞች ከተውጣጡ ከንቲባዎች፣ ኤክስፐርቶችን እና የአለምአቀፍ ተቋማት ተወካዮች ጋር ውይይት አድርገናል::

ከተሞቻችንን በአግባቡ መምራት ከቻልን ሁለንተናዊ ልማት እዉን ለማድረግ እምቅ አቅሞች እንዳሉን እና በከተሞች ያለውን የድህነት አዙሪት መስበር፣ የተጎሳቆሉ አከባቢዎችን ማደስ፣ የአገልግሎትና መሰረተ-ልማትን ማስፋፋት፣ የመኖሪያ ቤት እጥረትን በቀጣይነት መፍታት የእኛ የከንቲባዎች አንገብጋቢ ስራዎች መሆናቸውን እንዲሁም የአመራርነት ተግዳሮቶችን ከመሰረታቸዉ በመፍታት ቅድሚያ የሚያሻቸዉ ስትራቴጂካዊ ጉዳዮች ላይ በማተኮር ዘመን ተሻጋሪ ስራዎች መስራት እንዳለብን በውይይታችን ወቅት ተግባብተናል::

ፈጣሪ ኢትዮጵያን እና ህዝቦቿን ይባርክ

በዘላቂ የግብርና ሥራ፣ በዘመናዊ ቴክኖሎጂ እና የአቅም ግንባታ ሥራ ኢትዮጵያ ምርታማነትን ማላቅ፣ የአዝርዕት አይነትን ማብዛት ብሎም የተመጣጠነ ምግብ አቅርቦትን ማሻሻል ትችላለች።

እንደዚህ አይነቶቹ ትብብሮች የማኅበረሰብን አቅም ከፍ ያደርጋሉ፣ የኢኮኖሚ ዕድሎችን ይፈጥራሉ እንዲሁም ፈጠራን ያበረታታሉ። ይህም ኢትዮጵያን በዘላቂ የምግብ ሥርዓት መሪ ያደርጋታል፤ የበለፀገ የምግብ ዋስትና የተረጋገጠበት መፃዒ ጊዜንም ለህዝባችን ያረጋግጣል።

ቀደም ብሎ ፕሬዝዳንት ሺ ጂንፒንግ በቻይና-አፍሪካ የትብብር ጉባዔ ላይ ከእኛ የዕድገት እና የልማት ግቦች ጋር የሚናበቡ ዐሥር ነጥቦች ያሉት የድርጊት መርሐ ግብር ይፋ አድርገዋል። በተለይም ያደገ ምርታማነትን ለማሳካት ሥራዎቻችንን በምናዘምንበት የግብርና ትብብር መንገድ ላይ ፍላጎታችንን ገልጫለሁ። በኢንዱስትሪ ልማት እና በዲጂታላይዜሽን ሥራዎቻችን ላይ ድጋፍ ስለምናገኝበት ሁኔታም ተወያይተናል።

በጋራ በተገኘንበት 17 የመግባቢያ ሰነዶች ተፈርመዋል። እነዚህ ስምምነቶች በኢትዮጵያ እና በቻይና ላለው በሁሉም ሁኔታ ለማይለዋወጠው ስትራቴጂያዊ ትብብር (all weather strategic cooperation partnership) ዓይነተኛ ማሳያ ናቸው።